რუსული ენისა და ლიტერატურის საზაფხულო სკოლის "ჯადოსნური სამყარო“ პ რ ო გ რ ა მ ა და მ ი ზ ნ ე ბ ი
საზაფხულო სკოლის სამოქმედო გეგმა მიზნად ისახავს რუსული ენისა და ლიტერატურის ცოდნის დონის ამაღლებას, სასაუბრო ენის დახვეწას, ლექსიკური მარაგის გამდიდრებას მრავალფეროვანი, არასაპროგრამო საინტერესო აქტივობებით. მოსწავლეთა ინტელექტუალური, შემოქმედებითი, ფიზიკური პოტენციალის გამოვლენა - დახვეწას, უცხო ენის (რუსული ენის) პოპულარიზაციას, მიღებული თეორიული ცოდნის პრაქტიკულად გამოყენების უნარ - ჩვევების გამომუშავებას.
საზაფხულო სკოლა დაეხმარება მოსწავლეებს ესთეტიკურ-შემოქმედებითი ნიჭის გამოვლენა-განვითარებაში, გემოვნების დახვეწაში, მხატვრულ- შემოქმედებითი მსჯელობის უნარის განვითარებაში, რუსულ ენაზე საუბრის დროს ენის არასაკმარისად ცოდნის გამო წარმოშობილი შესაძლო კომპლექსებისაგან განთავისუფლებაში, ენობრივი ბარიერის დაძლევაში, პიროვნების შემოქმედებით-ესთეტიკურ მომზადებაში.
საზაფხულო სკოლის პროგრამა მიზნად ისახავს რუსული ენისა და ლიტერატურის განმტკიცებას, სალაპარაკო ენის დახვეწასა და ლექსიკური მარაგის გამდიდრებას. მისი მიზანია გამოავლინოს მოსწავლეთა შემოქმედებითი ნიჭი და მრავალმხრივი შესაძლებლობები.
საზაფხულო სკოლის ამოცანებია მოსწავლეთა შემოქმედებით-ესთეთიკური გემოვნების ჩამოყალიბება, შემოქმედებითი ნიჭის განვითარება და მხატვრული მსჯელობის უნარის ჩამოყალიბება რუსულ ენაზე. პიროვნების მომზადება შემოქმედებითად და ესთეთიკურად.
პროგრამა შექმნილია VI-VII კლასის მოსწავლეთა ინტერესებზე დაყრდნობით და 2016-2017 სასწავლო წლის ბოლოს მოწყობილი საზაფხულო სკოლის ,,გზა ევროპისაკენ“ გამოცდილების გათვალისწინებით. საზაფხულო სკოლა ხელს შუწყობს მოსწავლეთა კრეატიული აზროვნების ჩამოყალიბებას. ხელოვნებასთან კავშირის გზით, მოსწავლეთა საჭიროებების გამოკვეთას შემოქმედებით თვითრეალიზებაში გამომსახველობითი აქტივობების საშუალებით.
,,ზ ღ ა პ რ ი ს სამყარო“
მოსწავლეები გაეცნობიან ცნობილი რუსი საზოგადო მოღვაწის, მწერლის, პუბლიცისტის, პოეტის ა.ს. პუშკინის ზღაპრებს, წაიკითხავენ, გაანალიზებენ. ამასთანავე გაეცნობიან ქართველი მწერლების მიერ დაწერილ ზღაპრებს, ნახავენ ზღაპრების მიხედვით გადაღებულ ფლმებს, მოახდენენ შედარებას, გაიმართება დესკუსია, წაკითხულისა და ნანახის შედარება , გაიმართება მუშაობა ჯგუფებში, სადაც მოსწავლეები პრაქტიკული მეცადინეობით (ხატვა, ძერწვა, ისტ-ის გამოყენება) მოახდენენ ტრანსფორმაციას- შექმნიან მხატვრულ კომპოზიციებს ზღაპრებიდან და გააფორმებენ მათთვის სასურველი ჯადოსნური ხედვით, გააკეთებენ პრეზენტაციას რუსულ ენაზე.
მოცემული აქტივობების მეშვეობით მოსწავლეები შეისწავლიან და განიმტკიცებენ რუსულ ტერმინოლოგიას ფერთა დასახელების, ფერების შექმნის, ძირითადი ფერების გამორჩევის სფეროში, რაშიც დაეხმარებიან მოსწავლეები სამხატვრო სკოლიდან, რომლებიც რჩევებს და რეკომენდაციებს გაუწევენ მოსწავლეებს რუსულ ენაზე. შეიქმნება დიალოგები, მსჯელობა, არგუმენტირებული მიდგომები. მოსწავლეებს, რომლებსაც ხელეწიფებათ ისტ-ის გამოყენება სასწავლო პროცესში, ნამუშევრებს შექმნიან ტექნოლოგიის გამოყენებით და დაურთავენ წერილობით პრეზენტაციას რუსულ ენაზე.
პრაკტიკული სწავლების პროცესში მოსწავლეები გამოიყენებენ პლასტელინს, ფანქრებს, გუაშს, თაბახის ფურცლებს, ფორმატს... , შექმნიან ზღაპრულ გმირებს და იმ ჯადოსნურ სამყაროს, რომელიც მათ წარმოსახვას გახდის შთამბეჭდავს.
მეცადინეობები ჩატარდება წყვილებში (დიალოგები), ჯგუფებში, ინდივიდუალურად. მოიცავს ჯგუფური მუშაობის პრინციპის სწავლებასადა ინდივიდუალური მიდგომის გზების დახვეწას. ხელს შეუწყობს მსმენელის და პრეზენტატორისათვის საჭირო უნარების ჩამოყალიბებასა და ტრანსფორმაციის უნარის განვითარებას.
,,წ ი გ ნ ი ს სამყარო“
მოსწავლეები გაეცნობიან ,,წიგნის სამყაროს“, რომლის მიზანია მოსწავლეებში წიგნიერების ამაღლება, კითხვის მნიშვნელობის გაანალიზება, ინდივიდუალური ხედვის, წვრილი მოტორიკის განვითარება.
მოსწავლეები ერთმანეთს დაუკავშირებენ ლიტერატურასა და ვიზუალურ ხელოვნებას. მოსწავლეები საყვარელ წიგნსა და ნაწარმოებს გამოიყენებენ თვითრეალიზებისათვის.
შექმნიან საყვარელი წიგნის უნიკალურ მაკეტს საკუთარი ხედვით: ფორმა, კონსტრუქცია, ვიზუალი, შესრულების ტექნიკა და ნებისმიეერი ორიგინალური მიდგომა (სიუჟეტი).
ეს უნიკალური შესაძლებლობა მოსწავლეებს შეუქმნის საკუთარ ისტორიას საყვარელი წიგნის ან ნაწარმოების მიხედვით და მოახდენს მის ვიზუალიზაციას ჭეშმარიტ ხელოვნურ სამყაროში.
მოეწყობა გამოფენა , სადაც მოსწავლეები წარმოადგენენ წიგნის საკუთარ უნიკალურ მაკეტს, ის მოსწავლეები რომლებსაც სურვილი აქვთ იმუშაონ ტექნიკურად გამოიყენებენ ისტ-ს.
გამარჯვებული მაკეტი დაჯილდოვდება სამახსოვრო წიგნით საზაფხულო სკოლის პედაგოგებისაგან.
,, ბუ ნ ე ბ ა და ფ ა ნ ტ ა ზ ი ა“
საზაფხულო სკოლის მოსწავლეებს შორის გაიმართება დისკუსია ეკოლოგიისა და ბუნების დაცვის თემაზე, რომლის მიზანია, მოსწავლეებს განუვითაროს ჩვენი ქვეყნის ჯადოსნური ბუნების აღქმის უნარი, ჩამოუყალიბოს ბუნების დაცვისა და ეკოლოგიის გაფრთხილების სურვილი.
მოეწყობა ლაშქრობა ჯრუჭის ხეობაში, ნახავენ ჯადოსნური სილამაზის ბუნებას, რის შედეგადაც ვიზუალურ სამყაროს დაუკავშირებენ ხელოვნებას და განახორციელებენ ნანახის შთაბეჭდილების გამოხატვას სასურველი გზით: ჩანახატი, ნახატი, ვიდეორგოლი,ფოტო-კოლაჟი,რომელსაც შემდეგ განათავსებენ მოსწავლეების მიერ შექმნილ"ჯადოსნურ კუთხეზე".
შექმნიან დიალოგებს რუსულ ენაზე, გაუზიარებენ საკუთარ შთაბეჭდილებებს ნანახისა და საზაფხულო სკოლაში განვლილი დღეებთან დაკავშირებით როგორც ერთმანეღთს, ისე ხელმძღვანელ მასწავლებლებს.
საზაფხულო სკოლა ,,ჯადოსნური სამყარო“ მოიცავს ხუთ დღეს (18..06-დან 22.06-მდე)
დღე პირველი- ,,ზღაპრული სამყარო“ _ 18.06(10.00-13.00)
დღე მეორე- მხატვრულ-ესთეთიკური შემოქმედება_ 19.06(10.00-13.00)
დღე მესამე-,,წიგნის სამყარო“ _20.06(10.00-13.00)
დღე მეოთხე- გამოფენა-,,საყვარელი წიგნის მაკეტი“ დაჯილდოვება _21.06(10.00-13.00)
დღე მეხუთე- ,,ბუნება და ფანტაზია“.ლაშქრობა ჯრუჭის ხეობაში_22.06

საგანი :რუსული ენა.
პედაგოგები :ცირა ბოლოთაშვილი, ნინელი ცაბაძე.