საზაფხულო სკოლა."გზა ევროპისაკენ" დღე მესამე
რეფლექსია
საზაფხულო სკოლის "გზა ევროპისკენ!" მესამე დღის გეგმაში მკაფიოდაა ჩამოყალიბებული სკოლის მიზანი: სასწავლო პროგრამის მიღმა მოსწავლეთა თვალსაწიერის გაფართოება; სახალისო, ამავდროულად, შემეცნებითი ხასიათის მასალის გაცნობა- შესწავლის თანადროულად რუსულად მეტყველების გაუმჯობესება, ენობრივი ბარიერის დაძლევის გზების ძიება- სწავლება არატრადიციული მეთოდებით, და მოსწავლეთა ადაპტირება ახალ სასწავლო სიტუაციებში.

პირველივე აქტივობის შედეგი თვალსაჩინოა: მოსწავლეები თანხმდებიან ,რომ ენათა ცოდნა გვიადვილებს მსოფლიოს ხალხებთან ურთიერთობის გზების ძიებას. ბავშვებმა მოიძიეს ისტ-ის მეშვეობით ინფორმაცია რუსული ენის პოპულარობის შესახებ მსოფლიოში, და აღმოაჩინეს, რომ რუსულად მეტყველებს თითქმის მეოთხედი მსოფლიო, ხოლო 140 მილიონი ადამიანისათვის რუსული ენა არის ოფიციალური სახელმწიფო ენა. მიღწეულია მთავარი მიზანი: ბავშვებმა ინფორმაცია მოიძიეს და აზრთა გაცვლა ერთმანეთში მოახერხეს რუსულ ენაზე. თუმცა, უნდა აღინიშნოს, რომ არის სირთულეები, ბავშვები შეიძლება ცოდნის არასაკმარისი დონის, შეიძლება სიმორცხვის. ( იქნებ სწორად ვერ წარმოვთქვა) ,

გამო ფრთხილობენ რუსულ ენაზე აზრის დაფიქსირების დროს. მიგვაჩნია,რომ ამ სორთულის აღმოსაფხვრელად დს ენობრივი ბარიერის სრულად დაძლევის მიზნით უნდა გავზარდოთ სიტუაციური სასაუბროების რიცხვი დაშევეცადოთ სისტემატიური სახე მივცეთ ბავშვებისათვის რუსული გარემოს შექმნას, ამავე დროს ვეცადოთ ეს გარემო იყოს სახალისო, გასართობი და ახლო ყოველდღიურობასთან.

მეორე აქტივობა დაგვეხმარა უკეთ შეგვეცნო ევროპული ფასეულობების სიკეთე. ბავშვებს არ გასჭირვებიაY გარკვეულიყვნენ ჩვენი წინაპრების სწრაფვის აზრში " რატომ ევროპა". გაეცნენ მასალებს ტარას შევჩენკოსა და აკაკი წერეთლის ურთიერთობის ისტორიას.შეისწავლეს ახალი ტერმინოლოგია, და ,შედარებით იოლად დაამყარეს ერთმანეთთან კომუნიკაცია რუსულ ენაზე აქამდე მათთვის უცნობ სიტუაციებში.

მესამე აქტივობა განსაკუთრებით მომხიბვლელი და საინტერესო აღმოჩნდა საზაფხულო სკოლის მონაწილეთათვის. ბავშვებმა აღადგინეს მარინა მასწავლებლის დახმარებით ძველი ქართული საბავშვო თამაშები, ისტ-ის მეშვეობით მოიძიეს და ნახეს ძველი რუსული და უკრაინული საბავშვო გასართობი თამაშები. ყველანი მივედით დასკვნამდე: ეს თამაშები გვიჯანსაღებს სხეულს და სულს, და რაც შეიძლება მეტი დრო უნდა მოვტაცოთ კომპიუტერს, დავაინტერესოთ მეტი ბავშვი ჩვენთან ერთად ითამაშოს ლახტი, წრეში ბურთი,ორდროშობია, კენჭაობა და სხვა. ბავშვებმა შეისწავლეს და გამოიყენეს სპორტული ტერმინოლოგია რუსულად.
კიდევ ერთმა ერთად სახალისოდ,თუმცა საქმიანად გატარებულმა დღემ ბავშვებს გაუიოლა ურთიერთობა რუსული ენის მეშვეობით. მათ სამეტყველო ლექსიკაში გაჩნდა ახალი,თუმცა ხშირი მოხმარების ფრაზები. თვალნათელი გახდა პრობლემები, რომლებიც ერთად უნდა დავძლიოთ. უმთავრესი კვლავ რჩება ლექსიკური მარაგი,სიტუაციის აღქმა , დროული რეაქცია და ყველაფრის რუსულ ენაზე გადმოცემა თამამად, იმის გათვალისწინებით, რომ არაუშავს ,თუ შეგვეშალა. ჩვენ ხომ ახლა ვსწავლობთ, ჩვენ ჩვენს შეცდებზე ვიზრდებით.მიზნად დავისახეთ, შევეცადოთ და აღარ გავიმეოროთ უკვე დაშვებული შეცდომები, ვეტყველოთ უფრო მეტად რუსულად, ყურადღება მივაქციოთ საუბრის დროს ინტონაციას,ახვილს...